Uff amol werd´s daachhell in dere stockdunkele Nacht...!
Wie aus em Bodden geschosse steht en Engel vor de Herte.
Die sinn vielleicht erschrocke...!
Er hat se awwer gleich geruhischt unn gesacht: " Ihr braucht kaa Angst zu hawwe, im Geecheteil, freue könnt ihr euch...!
Heut´ Nacht iss ganz in de Näh´ de Heiland gebor´n worn, uff den ihr schon so lange worte duht - Jesus Christus!
Macht hie unn guckt!"
Zu dem aane Engel sinn dann noch en Haufe annere komme, unn alle mitenanner hawwe se gesunge: "Dem Gott im Himmel sei Ehr - unn alle aastännische Leut´ Friede."
Unn da hawwe sich die Herte gleich uff die Socke gemacht unn sinn zum Jesuskindche hiegedappt. Unn wie se den Klaane in der Kripp hawwe liche sehe, sinn se uff die Knie gefalle unn hawwe gerufe:
"Ehre sei Gott in der Höh´ unn Friede uff de Erd´ unn de Mensche e Wohlgefalle...!"
1Quelle: Offebacher Wörter- unn Sprüchebuch, gesammelt von Tom Kratz im Verlag Waldemar Klein 1997 erschienen
basimue
Keine Kommentare:
Kommentar veröffentlichen